Мультикан- 4 иттерге арналған вакцина

ШЫҒАРЫЛЫМНЫҢ ҚҰРАМЫ МЕН НЫСАНЫ

Етқоректілердің ауру вирусының әлсіреген штаммынан, 2 типті ит аденовирусынан, ит вирусынан жасалған. Дистилденген суда жақсы еритін сарғыш-қызғылт түсті құрғақ кеуекті масса болып табылады. Сыйымдылығы 5-20 мл құтыларда немесе ампулаларда шығарылады. Әрбір құтыда (ампулада) вакцинаның бір дозасы болады. Вакцинаны еріту үшін көлемі 2 мл ампуладағы (құтыдағы) зарарсыздандырылған тазартылған су қоса беріледі.

БИОЛОГИЯЛЫҚ ҚАСИЕТТЕРІ

Вакцинацияланған күшіктердің иммунитеті екінші иммундаудан кейін 14 күннен кейін пайда болады және бір жыл бойы сақталады.

АЙҒАҚТАР

Обаның, аденовирустық инфекциялардың, иттердің вирустық энтериттерінің профилактикалық иммунизациясы.

ДОЗАЛАРЫ ЖӘНЕ ҚОЛДАНУ ТӘСІЛІ

Қолданар алдында вакцинаны қоса берілген еріткіштің 2 мл-де ерітеді. Вакцинациялауға клиникалық сау жануарлар жатады. Күшіктерді алғаш рет 8-10 апталық жасында, бірінші иммундаудан кейін 21 күннен кейін қайталап егеді. Ревакцинацияны 10-12 ай жасында жүргізеді. Ересек иттерге жылына 1 рет вакцина егіледі. Вакцинаны тері астына жауырын тұсына немесе бұлшықет ішіне санның ішкі бетінен 2 мл дозада енгізеді. Ұсақ және сәндік тұқымды иттерді 1 мл дозада егеді. Шприцтер мен инелер әр қолданар алдында 10 минут қайнату арқылы зарарсыздандырылады. Әрбір жануар үшін жеке инені пайдаланады.

ЖАҒЫМСЫЗ ӘСЕРЛЕРІ

Байқалмайды.

ҚОЛДАНУҒА БОЛМАЙТЫН ЖАҒДАЙЛАР

Клиникалық ауру жануарлар.

АЙРЫҚША НҰСҚАУЛАР

Жапсырмалары жоқ құтылардағы (ампулалардағы) бөгде қоспалары бар, сондай-ақ тығыны бұзылған немесе жарықтары бар, ерігеннен кейін екі сағат ішінде пайдаланылмаған вакцина қолдануға жарамсыз. Оны 10-15 минут қайнату арқылы залалсыздандырады.

САҚТАУ ШАРТТАРЫ

Құрғақ, қараңғы жерде 2-ден 8 °С-қа дейінгі температурада. Жарамдылық мерзімі — 18 ай.