Міржақып Дулатұлы - қазақтың аса көрнекті ағартушысы, Алаш қозғалысының белсенді қайраткері, ақын, жазушы, жалынды көсемсөз шебері. Көп өлеңдерінде ол қазақ елінің отарлық езгідегі мүшкіл жайын, патша өкіметінің озбыр саясатын, әділетсіз заманның ақиқатын ашу арқылы «ел мүддесіне қызмет ету - әрбір азаматтың парызы» деген тұжырым жасайды. Бұл көзқарас Міржақып шығармаларының өн бойына тартылған өзекті желі болғаны сөзсіз.
Алаштың ұлт азаттығы жолында құрбан болған күрескер ақын Міржақып Дулатұлының өлмес шығармашылық мұрасы ел мүддесіне қызмет етудің, азаматтықтың жарқын үлгісі болып қала бермек.