~~ЖАЛПЫ МӘЛІМЕТТЕР

Аквитин® (Akvitin).

Аквитин® - белсенді заттар ретінде А дәрумені, Д3 дәрумені, Е дәрумені және С дәрумені бар инъекцияға арналған сулы ерітінді.

1 мл препараттың құрамында: А дәрумені - 70000 ХБ; Д3 дәрумені -10000 ХБ; Е дәрумені - 70 мг; С дәрумені - 100 мг.

Құрамында гендік-инженерлік түрлендірілген организмдер жоқ.

Дәрілік зат сары-жасылдан сары-қоңырға дейінгі ерітінді болып табылады. Кез келген арақатынаста сумен араластырылады. Опалесценцияға жол беріледі.

Аквитин® инъекцияға арналған ерітінді түрінде, 5, 10, 20, 50 немесе 100 мл шыны ыдыстарға салынған. Әрбір өлшеп-орау бірлігі өндіруші ұйымды, оның мекенжайы мен тауар белгісін, дәрілік заттың атауын, мл-дегі көлемін, белсенді заттардың атауы мен құрамын, серия нөмірін, жарамдылық мерзімін, сақтау шарттарын, қолдану әдісін көрсете отырып таңбаланады., "Жануарларға арналған" деген жазу, "Стерильді" деген жазу және пайдалану жөніндегі нұсқаулықпен қамтамасыз етілген.

Құрғақ, жарықтан қорғалған жерде 5ºС-тан 25ºС-қа дейінгі температурада сақтайды. Жарамдылық мерзімі - өндірілген күннен бастап 2 жыл. Дәрілік заттың жарамдылық мерзімі аяқталғаннан кейін оны пайдалануға тыйым салынады.

ФАРМАКОЛОГИЯЛЫҚ ҚАСИЕТТЕРІ

Аквитинде® А, D3, Е және С дәрумендері сулы-дисперсиялық жүйе түрінде болады. Аквитин® майда еритін А, D3, Е дәрумендерінің және аскорбин қышқылының жетіспеушілігін болдырмайды және оның орнын толтырады, осылайша зат алмасуды қалыпқа келтіруге, жануарлардың өсуі мен дамуын ынталандыруға ықпал етеді.

ПРЕПАРАТТЫ ҚОЛДАНУ ТӘРТІБІ

Аквитин® ірі қара малдарда, шошқаларда, бұзауларда, буаз аналықтарда гиповитаминоздың, сондай-ақ олардың фонында дамитын аурулардың алдын алу үшін қолданылады.

Дәрілік зат тағайындалады:
біріктірілген күйзелістердің әсерін алдын алу және жеңілдету үшін;
асқазан-ішек жолдарының, тыныс алу жолдарының ауруларында;
өсудің тежелуі және салмақтың жеткіліксіздігі кезінде;
сүйек тінінің даму үдерісі бұзылған жағдайда (рахит, остеомаляция);
жүктіліктің соңғы кезеңінде уызды дәрумендермен байыту үшін;
босанғаннан кейінгі асқынулардың туындау ықтималдығын азайту үшін;
инфекциялық және инвазиялық аурулар кезінде демеуші ем ретінде;
жаппай ветеринарлық іс-шаралардан кейін: вакцинация және дегельминтизация.

Аквитин ® бұлшықет ішіне немесе тері астына 4-8 аптада 1 рет кестеде көрсетілген дозаларда қолданылады.

* - буаздықтың екінші жартысында

Аквитинді® ауру кезеңінде қолданған кезде препараттың дозалары жоғарылауы мүмкін, бірақ 1,5 еседен аспауы керек.

Препаратты ұсынылған дозаларда қолданғанда жағымсыз құбылыстар мен асқынулар анықталған жоқ. Ешқандай қарсы көрсетілімдер анықталған жоқ.

Аквитинді® қолдану кезеңінде мал шаруашылығы өнімдерін шектеусіз пайдалануға болады.

ЖЕКЕ ПРОФИЛАКТИКА ШАРАЛАРЫ

Аквитинмен® жұмыс істегенде жануарларға арналған дәрілік заттармен жұмыс істегенде жеке гигиена мен қауіпсіздік техникасының жалпы ережелерін сақтау керек.

Дәрілік затты балалар мен жануарлардың қолы жетпейтін жерлерде сақтау керек.