Оқу құралы мектеп бағдарламасындағы тақырыптармен қоса логикалық ойлауды қажет ететін, жаттау қабілетін арттыратын есептер мен жаттығуларды қамтиды. Сонымен қатар жазықтық және кеңістік геометриясының элементтері 6-сынып оқушыларына сәйкес таңдалып алынған. Есептер сабақтың өсу ретіне байланысты күрделене түседі. Мектеп бағдарламасында қарастырылмайтын тақырыптар мысалдармен толық түсіндірілген. Сабақтарды реті бойынша өзгертпей пайдаланған дұрыс. Әр сабақ шамамен 30-45 минут уақыт аралығына есептелген. Мұғалім баланың есеп шығару мүмкіндігіне байланысты "Қосымша есептер" бөліміндегі жаттығулардан да таңдап алуына болады.

6-сынып "Математика" оқулықтарындағы тақырыптардың барлығы толық қарастырылған. Өтпеген тақырыптар алдыңғы өткен тақырыптарды пайдаланып шығаруға болатындай немесе логикалық жолмен жеңіл шығарылатын есептер арқылы берілген.