Қолдануға көрсеткіштер
Жеңіл дәрежедегі сезімтал микроорганизмдер туындатқан терінің бактериялық инфекциялары (пиодерма, фурункулез, карбункул); беткейлік зақымдануларды өңдеу (сырылулар, сызаттар, жәндіктердің шағуы).
Қолдануға болмайтын жағдайлар
Аса жоғары сезімталдық, сүйек кемігінің қан түзілуінің бәсеңдеуі, жедел интермиттирлеуші порфирия, глюкоза-6-фосфатдегидрогеназа тапшылығы, бауыр және/немесе бүйрек жеткіліксіздігі, тері аурулары (псориаз, экзема, зеңдік зақымданулар), ауқымды түйіршіктегіш жаралар (аэрозоль), терінің тұтастығы бұзылған жедел қабыну процестері; жүктілік, бала емізу кезеңі, 1 жасқа дейінгі балалар.
Жүктілік және лактация кезеңі
Препарат жүктілік және бала емізу кезеңінде қолдануға болмайды.
Қолдану тәсілі және дозалары
Жергілікті зақымдалған бетке тәулігіне бірнеше рет жағылады. Қолдану ұзақтығы патологиялық үдерістің сипатына, оның айқындылығына, қол жеткізілген нәтижеге байланысты.
Жанама әсері
Аллергиялық реакциялар: тері бөртпесі, қышыну, қызару, тіндердің ісінуі. Сырттан қолданғанда этил спирті теріге және шырышты қабықтарға ішінара сіңеді және резорбциялық жалпы уытты әсерге (ОЖЖ тежелуі) ие болуы мүмкін. Этил спиртінің буларын ингаляциялау ұйқышылдық пен бас ауруын тудыруы мүмкін. Ұзақ уақыт қолданған кезде қан, бауыр және бүйрек функциясының бұзылуы, дисбиоздың дамуы мүмкін.
Артық дозалануы
Тіркелген жоқ. Препаратты артық дозаланғанда терінің және шырышты қабықтардың тітіркенуі, бөртпе, қышу, қызару және тіндердің ісінуі түріндегі жергілікті реакциялар мүмкін.
Басқа дәрілік заттармен өзара әрекеттесуі
Елеусіз жүйелі абсорбция салдарынан басқа дәрілік заттармен клиникалық мәнді өзара әрекеттесудің ықтималдығы аз.
Қолдану ерекшеліктері
Балалар
1 жасқа дейінгі балаларға қолданылмайды.
Көлік құралдарын және басқа механизмдерді басқару қабілетіне әсері
Көлікті немесе басқа механизмдерді басқаруға кері әсері туралы мәліметтер жоқ.
Сақтық шаралары
Емдеу үдерісінде шеткергі қанның көрінісін жүйелі бақылау қажет.
Этанолды бір мезгілде қолданумен кең беттерге қолданған кезде дисульфирам тәрізді реакциялардың дамуы мүмкін (терінің қызаруы, тахикардия, жүрек айну, құсу, рефлекторлы жөтел, құрысулар).
Этанол сырттан қолданғанда тері және шырышты қабаттар арқылы ішінара сіңеді, оны балаларда, егде жастағы емделушілерде, бауыр және бүйрек қызметі бұзылған емделушілерде қолданғанда ескеру қажет.
Тез тұтанғыш. Тұтану көздерінен алыс, тығыз жабылған ыдыста сақтаңыз. Темекі шегуге болмайды.